[A:103]ni/ ar po ldong btsan gyis seng ge dkar mo'i gnya' ba nas bzung byung skad/ mon khri bzang gi stag dar ma gnyis lcags thag gi sprel nas ngar sgras lung pa bkang ste khrid byung skad/ lho don dam yang dag 'phags kyis/ seng ldeng gi gdung chen po bcu gsum gyi steng du/ gong dza la lcags dos gcig rgyab nas khur byung skad/ lcog ro zangs dkar gyis/ lha sa'i rdo ring rked la btsugs nas yo ga yo gin khur byung skad/ rngog rings nag pos bal yul nas glang po che'i phrug gu zhig gson por / khur byung skad/ mgos shag byung gis/ sha ba yu mo'i blud bu tshwas rgyangs nas klad la dbyug gin byung skad/ smon rgyal mtshan rnam grags kyis/ mig mthong gsum de mda' rgyang gang res sleb cing / gtsang po la phar mchongs tshur mchongs byed kyin sleb byung skad do/ /rgyal po 'di snyung ba'i dus gcig bya yid du 'ong ba gcig gis sngar ma mthong ba'i shing gi yal 'dab nyung shas zhig pho brang gi rtser khyer byung ba/ ci yin brtag pas/ rje'i zhal skyems la phan par byung ba la brten nas/ blon 'bangs blo kha nye shos rnams kyis/ phyogs bcur btsal bas sngar bod na med pa'i ja shing rnyed/ de 'thung ba'i snod la/ bod dkar byang skya dar tshe bya ba bzos pa lags/ bzang ngan gyi dbye ba drug te/ bzang shos sham tshe la/ bya kha na shing khyer gyi ri mo yod/ de 'og lab tshe la/ mtsho nang nya dang bcas pa yod/ de 'og shang tshe la/ spang ri sha ba dang bcas pa'i ri mo yod/ theg tshe/ deb tshe/ rdo tshe gsum ni phal dkar ste/ ri mo med pa'am/ me tog la sogs sna tshogs yod/ ja dang dkar yol gyi sngon ma de nas byung bar byed do/ /rgyal po 'di'i ring la bod ma yin pa'i 'jang yul la