[A:110]rang rang gi yul skad dang mthun pa'i bstan bcos gsung tshad thams cad/ mkhas pa bai ro tsa na/ ka cog zhang gsum la sogs/ rgya bod kyi lo tsA ba rnams kyi rim par bsgyur/ mdo rgyud man ngag 'chad nyan sgom sgrub kyi bstan pa nyi mo ltar gsal bar mdzad cing / yang ya rabs kyi skye bo pho mo brgya bzhi bcu rtsa gnyis dus gcig la rab tu byung te/ shar du dga' ldan lha phug lhor stag tshang seng ge phug nub tu brag dmar po thon/ byang du arya pa lo'i phug dang bzhir sgom grwa chen po yang btsugs/ mkhas grub chen po bzhi'i rtse gcig gi sgrub pa mdzad cing bskyangs so/ /yang jo mo 'bro bza' byang chub sgron gyi sku tshe'i smad la g.yas ru smad kyi lha khang dang rgyal bu mu tig btsan pos/ shangs su mtshal gyi lha khang / jo mo dkar rgyal mtsho me tog sgron gyis/ sku tshe'i smad la dpal chu bo ri'i lha khang bzhengs/ mchims bza' lha mo btsan dang / mkhar chen bza' mtsho rgyal gnyis kyi sgrub pa mdzad pas/ lha khang phyag rjes med do/ /sba ye shes dbang po la sogs chos blon rnams kyi yang lha khang mang du bzhengs so/ /chos rgyal de'i ring la gso byed sman gyi rig pa yang dar bar mdzad la/ de yang bod du sman dpyad bsgyur ba'i dus gsum byung ni/ dang po chos rgyal srong btsan sgam po'i ring la/ gso ba rig pa'i dbu brnyes/ lha sras khri srong lde btsan gyi ring la/ srol gtod/ lha bla ma byang chub 'od kyi ring la sman dar zhing rgyas par mdzad zer la/ chos rgyal khri srong lde btsan gyi bka' gnang / lo tsA ba bai ro tsa nas phyogs thams cad kyi sman pa spyan drangs nas/ rgya gar shanti gar bha la sogs kyis bod du bsgyur nas/ spyir sman pa la mkhas par grags pa dgu bcu rtsa