[A:111]gnyis byung / de'i nang nas dar byed kun tu grags pa'i sman pa bzhi bcu rtsa lnga/khyad par rgyal po'i bla sman du bskos pa dgu ni/ stod na bi ji che rdzi 'ug pa gsum/ bar na mi nyag brang ti g.yu thog gsum smad na gnya' dang 'thab zhi stod dang gsum/ /zhes bya ba'i drang srong sprul pa mkhas btsun ldan pa'i sman pa rim par byung ste/ rgyal po'i lung gis/ nga ni kun gyi lha yin la/ /'di dag nga yi rje yin pas/ /kun gyi lha rjer mtshan gsol la/ /mchod cing bkur sti'i gnas su bstan/ /gsungs pa'i 'phrin gyi dril bsgrags so/ /rje de'i blon po ni/ mgos khri bzang yab lhag dbas rgyal to re/ khri gsum rjes stag sna/ gnyags stag btsan ldong gzigs la sogs pas/ mdzangs kyi las thabs byas/ zhang rje rgyal gzigs dang / stag sgra klu gong gis phyi dgra btul/ rgya'i bkra shis khri sgo phab pa la sogs kyi lo rgyus phyis rdo ring la yod do/ khri gsum rje stag snas/ rgya dang gru gu 'jang gsum gyi mol 'dum byas/ rgya bod mtshams su bod kyi dpa' bo mi dgu'i 'go byas/ skye 'dus kyi dmag dpung so kha srung ba la bzhag pas/ bka' ma log zer ba'i bod 'brog gi sde mang po chags pas/ mtha' dmag bod du mi 'jug pa sogs/ sprul pa'i chos rgyal chen po 'di ni/ rgyu mtshan du ma'i sgo nas/ bod la bka' drin shin du che'o/ /'di'i dgung lo lnga bcu rtsa drug bzhes pa/ shing mo glang gi lo la zur mkhar du sku gshegs so/ /khri srong lde btsan bang so mu ra ri la yod/ /ming ni 'khrul ri gtsug snang bya ba yin/ /bang so phyi rgya can zhes bya bar grags/ /'di'i rtsa na rdo ring yi ge bris pa zhig kyang yod/ rje de dang / tshe yong bza' dkar rgyal me tog sgron gyi