[A:125]drin shin du che'o/ /de'i dngos slob khu rngog 'brom gsum la sogs/ bka' gdams pa'i rgyud 'dzin sde dgon dar rgyas che bar byung ngo / /jo bo rje'i gsung / lo chen rin chen bzang po rnams kyis bsgyur ba yan gyi/ sngags mtshan nyid thams cad la snga 'gyur zhes grags so/ /jo bo de nyid ni dgung lo bdun cu rtsa gsum pa/ shing pho rta lo'i zla ba'i tshes bco brgyad la snye thang nas dga' ldan du zhi bar gshegs so/ / gcung srong nge'i sras/ lha lde dang gnam la 'od chen/ u pa dang gsum byung te/ yab sras de bas kho char gyi lha khang bzhengs/ paNDi ta punye shrI spyan drangs so/ /lha lde'i sras 'od ldes rgyal srid bskyangs/ lha btsun byang chub 'od dang / gcung 'od zer go cha gsum mo/ /yab sras 'di pas paNDi ta shraM dha ka ra warma/ dharma pA la/ padmA ka ra rnams spyan drangs/ de rnams kyis gsungs pa lo tsA ba gyi jo zla ba'i 'od zer/ 'gos khug pa lhas btsas la sogs kyis bsgyur ba man nas/ gsang sngags gsar 'gyur zhes pa'i 'go tshugs/ gcen po 'od ldes/ dznyA na shrI spyan drangs/ 'od lde'i sras mnga' bdag rtse lde'i ring la/ rgya gar na mkhan po zhi ba bzang po/ mkhas pa dznyA na shrI/ 'chi med sa ra hi ta/ paNDi ta gha ya dha ra/ btsun mo can/ paNDi ta pu nye shrI/ su siddhi/ paNDi ta su ma ti kirti/ paNDi ta gzhon nu 'bum pa/ gser gyi go cha/ bal po bha laNTa/ kha che'i paNDi ta shAkya shrI rnams spyan drangs/ de rnams kyi rngog lo tsA ba blo ldan shes rab/ gzu dga' rdor/gzhon nu mchog chos seng / khyung po grags seng / gu ru rin chen grags/ 'brog mi shAkya ye shes/ ting nge 'dzin bzang po/ zangs dkar 'phags pa shes