[A:129]gnas pa la/ /thub dbang sa pho 'brug la 'khrungs pa nas/ /lo grangs chig stong lnga brgya sum cu drug /'das pa'i chu bo khyi la bod rgyal gyi/ /snga ba gnya' khri btsan po rgyal sar byon/ /de nas dgu brgya drug cu rtsa gcig la/ khyi lo tho ri snyan btsan byon pa nas/ /brgya dang go bdun song ba'i me mo glang / /srong btsan sgam po 'khrungs nas chig brgya dang / /don bzhi lcags rta lo la brag dmar du/ khri srong lde btsan 'khrungs rting don drug pa'i/ /me pho khyi la mnga' bdag khri ral 'khrungs/ /so drug lcags bya'i bar la rgyal srid bzung / /de yan rgyal rabs bzhi bcu zhe gnyis byon/ /de rting chu mo phag nas lcags rta'i bar/ /drug cu rtsa brgyad dar mas bstan pa bsnubs/ /bod khams dbus gtsang dam chos sgra mi grags/ /de nas bstan pa phyi dar me stag lo/ /paN chen byon pa yan la nyis brgya dang / /dgu bcu go bdun me stag de lo nas/ /deng sang shing stag brgyad dkar dbus gnas yan/ /nyis brgya nyi shu rtsa brgyad sngar 'das kun/ / dril bas sum stong lnga brgya gya lnga song / /ma 'ongs bstan pa'i lhag ma chig stong dang / /bzhi brgya bco lnga yod pa brtsi ba la/ /rtags tsam 'dzin pa lnga brgya the zhes lo/ /'di don go ba'i skyes bu shes ldan kun/ /bstan pa rin chen sgron me gsal dus 'dir/ /rnam grol thar pa'i lam la 'jug pa rigs/ /chos rgyal rgyal rabs 'di bris dge ba yis/ /thub bstan bstan pa'i sgor zhugs 'phags tshogs kyi/ /bstan 'dzin 'dzin ma'i ngos kun khyab gyur nas/ /'gro kun kun mkhyen rgyal po myur thob shog///