[A:130]bod kyi blon chen mdzangs pa mi bdun gyi byung tshul bzhugs so/ / oM swa ti/ bod du chos rgyal mes dbon rim pa yi/ /mnga' thang chab srid rigs mthun bsod nams las/ /sprul pa'i blon chen mdzangs la mang ba byon/ khyad par bod 'bangs byin la drin che ba'i/ /mdzangs pa mi bdun bya ba 'di ltar ro/ /thog mar gri gum btsan po'i sras gsum gyi/ /bar pa spu te gung rgyal sku ring la/ /gcig tu mdzangs pa chen po mdzangs kyi bu/ /ru las skyes kyi ngar gsos bya ba yin/ /de yis thabs dang las ka ci byas na/ /ba glang 'bri gnag ra lug khrims su bstsal/ /rtswa la chun po byas nas dbyar rtsi dgun du bascal/ /spang thang zhing du slog nas ri yi ngo rnams bzung / /de yi gong na bod na rtsi thog lo thog med/ khri snyan bzung btsan rgyal po'i sku ring la/ /gnyis su mdzangs pa blon chen khu yi bu/ /lha bu mgo dkar zhes pa de nyid byung / /de yis thabs dang las ka ci byas na/ /'brog gi don dang zhing gi mthun du 'debs/ /mtsho la gtar kha byas nas yur ba dkyus su bcug /phu chu rdzing du bskyil nas mtshan chu nyin du drangs/ /de'i gong na zhing rnams char mar 'debs/ /stag ri gnyan gzigs rgyal po'i sku ring la/ /gsum du mdzangs zhing mkhas pa mong gi bu/ khri do ri yi gnang tshab bya ba byung / /de yis thabs dang las ka ci byas na/ /rdo la