[A:132]chen po hor gyi rgyal rabs cha lag tshang ba bzhugs so/ /na mo badzra pa ni ye/ mthu stobs gnam lcags rdo rjes bdud dpung dang / /gzir byed sdigs mdzub drag pos dgra bgegs tshogs/ /bskal ba rgya mtsho'i pha mthar sprod mdzad pa/ khro rgyal nam mkha'i mdangs ldan zhabs la 'dud/ /de yi sprul pa byang phyogs hor yul dang / /srid bzung skabs su rgya nag bal bod du'ang / /bstan pa skyong dang rgol ba bzlog pa sogs/ /byas byung lo rgyus don gsal 'di ltar ro/ /chen po hor gyi rgyal rabs snga ba/ dang por gnam gyi bu bhor ta che/ de'i bu bhar ta che gan/ de'i bu tham chag de'i bu chi seng mer gan/ de slob dpon padma'i sprul pa yin zer/ de'i bu rgyud la rim pa bzhin/ a 'u dzam po de wo la/ ye kha no bdun no/ /sems za'o che'i ga chu/ tho bu me gen/ de 'das pa'i rjes la/ nag mo a nan khro las/ nyi ma dang zla ba'i zer las skyes pa'i bo thon char mun khan/ yang de'i bu rgyud rim pa bzhin/ ga'i chi/ be khir/ ma nan tho don/ ga'i thu gan/ ba'i shing / khor dog shing / dum bi na'i khan/ ga bu la khan/ bar than ba dur/ ye su ga ba dur/ 'di yan la/ hor gyi rgyal rabs bcu dgu hor yul du byung ngo / /ye su kha dur rgyal po dang / btsun mo hu lun gyi sras/ tha'i dzung jing gir rgyal po/ shing pho rta lo la sku 'khrungs te/ sku mched bdun yod/ khong gi dgung lo sum cu so gsum lon pa sa pho stag lo la/ mi nyag rgyal rgod kyi rjes la/ tho dzi zhes pa'i rgyal po gcig gis/ sung gi rgyal