[A:133]po byed pa'i lag nas dpung shed mong gis rgyal sa phrogs/ hor gyis rgya nag gi rgyal sa lo nyi shu rtsa gsum bzung te/ dgung lo drug cu re drug pa me pho stag gi lo/ ston zla dang po'i tshes bcu gnyis la/ mi nyag gi sa char gnam du gshegs so/ /gnam mam/ bya tshe ring gis byin pa'i nor bu'i tham kha yang rgyal po de'i ring la byung ba yin zer/ de'i bu rdzong chi dang / cha ga ta'i/ tho la no yon la sogs pa dgu yod do/ /rgyal po rang yod dus/ sras che ba gnyis pos/ rgyal sa la mi rtsod pa'i yi ge bcug nas/ g.yas ru g.yon ru'i rgan pa la bskos/ nu bo che ba o ko ta yis/ rgyal sa lo drug mdzad/ 'jo chi la bu brgyad dang / ca ga ta la bu dgu yod/ o ko ta'i sras che ba go yug rgyal pos rgyal sa zla ba bdun mdzad/ de'i nu bo go dan la sogs pa bdun yod/ go yug la bu gsum yod/ tho lo no yon gyi sngar yi ge ma shor bas rgyal sa la rtsod pa yod cing / de dang btsun mo za yin e ka ze rog ta'i bu che bas/ mo gol gan gyi rgyal sa lo dgu mdzad/ sras gnyis pa e chen go dan/ gsum pa go pe la shi dzung se chen gan/ shing mo phag lo la 'khrungs/ rgyal sa lo sum cu so lnga mdzad/ bzhi ba a ri bho ga lnga pa hu la hu/ 'di lhag pa'i rgyal po yin zer nas/ rgyal khams 'tshol ba la/ stod du btang bas/ stod hor du grags pa 'di byung ba yin no/ /se chen dang dpon mo cha bu'i sras bzhi'i che ba rdo rje/ gnyis pa 'jing gim/ gsum pa mangga la/ bzhi pa na mo gan/ btsun mo zhwa gon ma'i sras brgyad kyi che ba hur dkar che/ a rog ce/a la che/ go lug thi mur/ e san bho kha/ tho gan/ go go chu/ rdo lo/ thams cad bsdoms pas se chen gyi bu bcu gnyis byung / se chen rang gi dgung lo sum cu so bzhi pa lcags pho spre'u'i lo nas bzung ste/ rgyal sa lo sum cu so lnga mdzad/