[A:156]khri skor bcu gsum gyi dud kyi grangs dang 'ja' mo 'dzin lugs yod/ swa sti/ lhar bcas 'gro ba'i mun sel phyir/ /sangs rgyas shAkya thub 'khrungs nas/ /lo grangs sum stong nyis brgya dang / /dgu bcu 'das dus hor yul du/ /bsod nams chen po'i chu gter las/ /rgyal po jing gir gan zhes pa/ /sa 'dzin rin chen 'khrungs par 'gyur/ /mi dbang de nas rgyal rabs lngar/ /stobs kyi 'khor lo bsgyur mdzad pa/ /se chen gan zhes grags pa des/ /'jam dbyangs rnam 'phrul sa skya pa/ /chos rgyal 'phags pa spyan drangs nas/ /bcu phrag lo ni song ba'i dus/ /sa pho 'brug lo shar ba dang / /gong nas mngags pa'i gser yig pa/ /a kon ming gling gnyis yong nas/ /mi sde sa cha dang bcas pa/ /chen po hor gyis ming btags pa'i/ /rtsa ba'i dud drangs rtsis pa na/ /stod kyi mnga' ris skor gsum dang / /lha sde gzhung pa la sogs kyi/ khri stong gseb tu mi the bas/ /bod 'brog gang yod zur bzhag nas/ /dbus gtsang khri skor so so yi/ /dud grangs bcas pa 'di ltar ro/ /la stod lho pa'i dud kyi grangs/ /stong dang dgu cu rtsa dgu yin/ /la stod byang pa nyis stong dang / /nyi brgya lnga cu tham par bar brtsi/ /chu mig khri skor hor dud grangs/ /sum stong nyer gsum yod pa'i bar/ /zha lu khri skor sum stong dang / /brgyad brgya dgu bcu rtsa