[A:157]gnyis yod/ /byang 'brog khri skor rting la 'byung / /yar 'brog khri skor khyad chos la / /leb ni bcu drug zer ba de/ /hor dud phyed dang brgyad brgya'o/ /dbus phyogs rtsa dud 'khyer lugs ni/ /'bri gung bod 'brog gnyis po la/ /sum stong brgyad brgya sum cu yod/ /tshal pa sur stong bdun brgya yin/ /phag mo gru pa nyis stong dang / /bzhi brgya sum cu rtsa brgyad yod/ /g.ya' bzang pa la sum stong dbang / /rgya ma ba dang bya yul ba/ /lnga stong dgu brgya phyed 'khyer yin/ /stag lung pa la lnga brgya dang / /de steng lha 'brug la sogs pas/ kha 'thor stong dang bzhi brgya yod/ /tshul 'di hor dang sa skya pa/ /yon mchod 'brel nas dbus gtsang du/ /sa brtsis byas pa'i thog mar 'dug /mnga' ris man nas zha lu yan/ /o kon mi ling zhes byas brtsis/ /de min 'bri khung yan gyi sa/ /si tu a skyid dag gis brtsis/ /de phyir sa skya'i dpon chen ni/ /zam glu gun mi dban hu'i sa/ /ming thob shAkya bzang po de'i/ /deb ther shog ril can bzhin yin/ khri skor de pas dbus gtsang gi/ 'ja' mo 'dzin lugs 'di ltar snang / /lho byang mnga' ris dang bcas pas/ /dpal ldan sa skya'i 'jams chen dang / /gyam ring zhabs kha mar la thang / /ma phang me tog si tu yi/ /'jams chung rnams dang bcas pa 'dzin/ /dar lung 'ja' mo chu mig pas/ /tshong 'dus 'jams chen zha lu pas/ /steng du bya rog tshang pa'i dud/ /lnga bcu rtsa bdun brgyab nas 'dzin/ /stag 'jam yar 'brog khri skor te/ / bya rog chang ga rta 'go ni/ / nyi shu rtsa brgyad de dang ni/ /shangs kyi chu phyogs sta mgo'i grangs/ /bcu gcig rgyab nas 'dzin pa yin/ /yas sribs 'jams chung yar 'brog pas/ /'dzin no de