[A:160]de'i gcen po drug yab dang bdun/ dmu thag dang dpyang thag la lha yul du byon/ chung ba des thog lha 'od chen gyi bu mo/ thog can 'ur ma khab tu bzhes pa la/ sras thog rtsa dpa' bo stag byung ngo / /des klu'i bu mo klu mo lcam gra ma khab tu bzhes pa la/ sras klu tsha ta pho 'od chen byung / de dang mon za mtsho rgyal bshos pa'i sras gcig byung ba/ de g.ya' dang spang gi mtshams su skyes pas/ ming g.ya' spang skyes su btags so/ /de rting srin po skya rengs khrag med bya ba la/ chung ma g.ya' 'brum si le ma zer ba'i shin tu mtshar ba zhig yod pas/ skya rengs khrag med bsad/ g.ya' 'brum si le ma phrogs nas/ khab tu bzhes pa la/ sras gcig byung ba de srin po dang 'khon pa'i bar du skyes pa la/ de'i ming 'khon bar skyes bya bar btags te/ de nas gdung rus 'khon zhes bya bar grags so/ /des btsan bza' lcam bu mon khab tu bzhes pa la/ sras gcig 'khrungs te/ de nyid ni mthu dang rdzu 'phrul che ba/ blo dang rig par ldan pa/ gzugs dang / longs spyod rgyas pa/ mthong ba tsam gyis yid 'phrog pa/ shin tu ngo mtshar ba zhig byung bas/ 'di 'dra mi yul du 'byon pa dkon zer nas/ dkon pa rje khung stag tu btags so/ khye'u de yab kyis yul gang bzang brtag tu btang bas/ snyan tshe dar gyi ya chang la yul gyi dge brgyad tshang bar gzigs nas/ 'khon gyi yul la snga ba de yin no/ /de'i dus su bod na sprul pa'i rgyal po khri srong lde btsan bzhugs pas/ dkon pa rje 'di blo che zhing / 'jig rten gyi bya ba la mkhas pa'i don gyis bod rgyal po'i nang rje yun ring du byas/ dpal 'byor phun sum tshogs pa byung bas/ ming la 'khon dpal 'byor cher grags te/