[A:161]de nas 'khon la mi chos kyi sgo nas/ snyan grags che bar byung ngo / /de nyid kyis rlangs khams pa lo tsA ba'i lcam mo rlangs bza' sne chung khab tu bzhes pa la sras 'khon klu'i dbang po bsrung ba dang / gcung rdo rje rin chen byung / chos rgyal khri srong lde btsan gyi sku ring la/ za hor gyi mkhan po bho dhi satwa spyan drangs/ de'i dngos slob bod kyi btsun pa la snga ba sad mi mi bdun du grags pa byung bas/ rgan gsum ni/ dbas ratna rakShi ta/ rin chen bsrung ba/ bha dznyAnte rakShi ta/ ye shes dbang po bsrung ba/ rta dbyangs sprul par byed/ ratna ne nTe rakShi ta rin chen sprul par byed/ bar pa gcig rlangs khams lo tsA bas te/ su ga ta/ warma rakShi ta/ bde bar bshegs pa bsrung ba zhes pa'o/ /gzhon gsum ni ba gor bai ro tsa na rakShi ta/ rnam par snang mdzad bsrung ba dang / 'khon na gendra rakShi ta/ klu'i dbang pos bsrung ba/ gtsang de bendra rakShi ta/ lha'i dbang po bsrung ba bya ba de rnams byon te/ 'khon klu'i dbang po de nyid ni/ lo tsA ba gzhon gsum gyi nang nas/ thugs rab shin tu che zhing dba' ye shes dbang po dang / rang gi zhang po'i thad du slob gnyer gsan sbyong mdzad pas/ sngags mtshan nyid kyi yon tan phun sum tshogs pa mnga' zhing / slob dpon padma la'ang rdo rje phur pa dang / yang dag la sogs mang du zhus nas/ yer pa'i brag la sgrub pa mdzad/ grub pa brnyes so/ /de nas 'khon la lha chos kyi ngos nas grags pa shin tu che ba byung ngo / /de'i gcung po rdo rje rin chen pas kyang / slob dpon padma dang rang gi gcen la dbang dang gdam ngag mang tu nod de mkhas par grags shing / slob dpon padma'i dngos slob/ dkyil 'khor gyi gtso bo brgyad du grags pa'i gseb tu gtogs