[A:162]so/ /sngags rnying ma'i 'go yang 'di tsam nas tshugs pa yin/ de gong du spyir bod dang / sgos su 'khon la sngags pa dang rab byung gi tha snyad ma byung bar 'dug go /'khon rdo rje rin chen pas 'bro dgra 'dul gyi bu mo 'bro g.yang lon skyid de khab tu bzhes pa la/ sras 'bro tsha spun bdun byung te/ 'bro snyan rtse ba'i gson gshid kyi ltad mo/ nyi ma gsum btud byas dus/ khong spun bdun posanyi ma re la rta lus chas 'dra 'dra ba 'ba' zhig spos nas/ rta rgyug rtsal 'gran pas khrom thog chod pa byung / 'bro'i bsam pa la khong la mtho mtshams par go nas/ dmag bsags 'khrug pa byed zer ba la/ gcig par zhang po yin/ gnyis par 'grogs yun ring po song bas 'khrug pa mi byed/ rgyal khams yangs po la 'jigs med gsungs nas/ 'bro tsha spun bdun gyi che ba/ mar yul du byon/ de 'og rnams rim pa bzhin gung thang / gad/ gnyal lo ro/ myang shab/ grom pa g.ya' lung rnams su gyes so/ /tha chung gi yab yul du bzhugs/ 'bro dang 'khrug pa yang sprad/ de las gyes pa snyan tshe reng na/ ma khrigs sde gsum du grags pa yod do/ /tha ltag grom par byon pa de'i mtshan shes rab yon tan/ de la sras gnyis byung ba'i che ba tshul khrims rgyal po/ chung ba khab so stag thog tu byon/ der yang 'khon ci rigs pa 'phel te/ de nas g.yas ru byang du gyes pa'i 'khon tsho'i sde pa mang du yod do/ /'khon tshul khrims rgyal po la sras gsum byung ba'i che ba gtsug tor shes rab la sras bdun byung ba/ khu bo chung ba dang bcas pa 'khon g.ya' lung na yod/ sras bdun po'i lnga pa 'khon dge skyabs/ des shab tu byon/ de la sras gnyis byung ba'i che ba 'khon dge mthong / chung ba las