[A:164]pa'i skabs su/ 'bro'i lung ston chen po zhig byung ba'i tshe/ bla ma dkon mchog rgyal pos kyang byon/ ltad mo de dang / rtsed mo mang du 'dug pa'i nang nas/ sngags pa 'ga' zhig gis/ dbang phyug ma nyi shu rtsa brgyad kyi mgo brnyan rnams gyon nas phyag mtshan so sor khyer/ ma mo ral pa can dang / lcam dral 'cham gyin 'dug pas/ de kha ltad mo yang che/ khrom thog kyang des bcad song bas/ phyir log nas gcen la 'di lta bu gda' zhus pas/ gcen na re/ de gsang sngags 'chol ba bya ba'i dus byung ba yin/ phyin chad rnying ma la grub thob mtshan nyid pa mi yong / rang re la yod pa kun rang dbang che bas/ a po rgan pa'i dpe cha lha rten/ gsang sngags kyi lag cha kun gter du sba'o/ /nga ni na so rgas 'dugakhyed gzhon pa yin pas gsang sngags gsar 'gyur bya ba bzang po yod pa 'dug cing / de'ang mang mkhar na/ 'brog mi lo tsA ba mkhas par yod 'dug pas/ de la slob tu rgyug gsungs nas/ dpe rnying thams cad gter du sbas so/ /der chos skyong gis cho 'phrul byung nas/ phur pa'i chos 'khor ci rigs pa dang / gtor ma'i cho ga seng ldeng gi phur pa bco lnga pa cha gnyis dang / dkar mo nyi zla nyid kyis 'khon rog shes rab tshul khrims rang la zhal dngos su bstan nas/ mdzad pa'i gtor chog rnams/ bton nas gcung la gnang / gdung rgyud pa rnams da lta'ang dus gtor ma chag pa mdzad dgos so/ /de na bla la dkon mchog rgyal po mang mkhar mug gu lung du 'brog mi'i spyan sngar ma thon par/ g.ya' lung dur khrod du/ 'khyin lo tsA ba la brtag gnyis gsan/ de tshar la khad pa dang bla ma 'khyin sku gshegs pa'i zhal chems la/ chos 'phro de 'brog mi