[A:12]ring la/ mi'i ming la rim pa bzhin/ sems can/ tshur shog rme ba can/ sprin mgrin/ ta li skang ngo / /gso sbyong 'phags kyi spyi bo'i lba ba rdol ba las skyes pa/ rgyal po nga las nu ni gling bzhi dang / rgyal chen rigs bzhi dang / sum cu rtsa gsum man la gser gyi 'khor los dbang bsgyur ro/ /de nas mi'i ming mi zhes bya ba 'di byung ngo / /nga las nu'i brla g.yas pa las skyes pa mdzes pa/ de'i brla las nyer mdzes/ de'i brla las mdzes can/ de'i brla las mdzes ldan rnams 'khor los bsgyur ba'i rgyal po lnga te/ rim pa bzhin du/ gling bzhi dang / gsum/ gnyis/ gcig la/ gser dngul zangs lcags kyi 'khor los dbang bsgyur ro/ /de'i dus su bskal ba rdzogs ldan skye dgu'i tshe lo bzhi khri pa/ bram ze'i rigs kyi sangs rgyas 'khor ba 'jig 'jig rten du byung ngo / /de'i bstan pa dam pa'i chos ni lo brgyad khri'i bar du gnas par bshad/ mdzes ldan bu ni bzang po nas/ bu rgyud rim pa bzhin rgyal rabs sum cu'i mthar/ kun nas 'od zer zhes bya ba'i rgyal rabs brgya tham pa yul gru 'dzin du byung / de nas rim par rgyud de/ yul dmag gi mi tshugs pa la sogs pa'i yul chen po bcu drug dang / sangs rgyas de'i bstan pa'i ring la rgyal rabs drug 'bum gcig khri drug stong nyis brgya dang gsum byung ngo / /de nas bskal ba gsum ldan tshe lo gsum khri pa'i dus su/ bram ze'i rigs kyi sangs rgyas gser thub byon/ de'i dam pa'i chos lo lnga stong gnas par bshad do/ /de nas yul dmag gis mi tshugs pa la sogs pa yul chen bzhi/ sangs rgyas de'i bstan pa'i ring la/ rgyal rabs nyis 'bum drug khri chig stong brgya dang lnga bcu byung ba'i tha ma rgyal po