[A:13]kri kri yin ste/ bskal ba gnyis ldan tshe lo nyi khri pa/ rgyal rigs kyi sangs rgyas 'od srung byon/ de'i dam pa'i chos tshe lo brgyad khri gnas par bshad do/ /kri'i kri'i bu rgyud brgya tham pa yul gru 'dzin du byung ba tha ma rna ba can no/ /de la bu go'u ta ma dang / bha ra dhwa dza gnyis las/ nu bos rgyal srid bzung ngo / /go'u ta mas nags na bsam gtan sgom/ de'i skabs su g.yon chen padma'i rtsa lag gis/smad 'tshong ma 'gro ba bzang mo bsad pa'i nyes pa go'u ta ma la dkris pas/ bha ra dhwa dzas rang gi phu bo yin pa dang / nyes pa med par ma shes/ go'u ta ma khrims las bsgral/ de 'chi khar rang gi mkhan po mdog nag dang 'phrad nas/ bden pa brjod pas/ mkhan po gser mdog tu gyur/ des tshul bzhin ma yin pa chags pa yid la byas/ sa bon zags pa las sgo nga'i nang nas khye'u byung ba mkhan pos/ bu ram shing gi tshal du nyi ma la bskyangs pas/ ming nyi ma'i gnyen dang / bu ram shing par btags so/ /phyis bha ra dhwa dza bu med par shi go'u ta ma btsal bas ma rnyed/ sngar gyi lo rgyus zhus pas thams cad mya ngan du gyur/ khye'u gnyis po blangs nas rim par rgyal sar bskos so/ /'di la bu ram shing pa'i steng zer ro/ /de'i bu rgyud brgya tham pa yul gru 'dzin du byung ba'i tha ma/ 'phags skyes po/ de la bu rgyud gsum skyes/ ma de shi nas/ rgyal rigs dbang chen nyi 'og rgyal po zhes bya ba'i bu mo khab tu blangs/ de la bu byung na rgyal sar 'don pa'i chad byas pas/ bu byung ba rgyal srid dgar ming btags rgyal por bskos/ phu bo gsum po rang rang gi sring mo dang bcas te spyugs pas chu bo skal ldan shing rta'i 'gram du/ ri dwags gsod cing lang tsho rgyas pa dang / drang srong