[A:166]la bltams nas/ me mo phag la myang ngan las 'das rting / lo sum stong nyis brgya dang bdun song ba'i chu mo glang lo la/ dpal ldan sa skya'i gdan sa'i 'gram bting / bla brang shar gyi cha 'di la/ bla brang gi mthil mdzad/ lcags ri rtsa brgyad du bya ba zhig yod do/ /bla ma de nyid kyi gdan sa lo sum cu bzung zhing / bstan pa'i bya ba rgya chen po mdzad nas/ dgung lo drug cu re dgu pa chu pho rta lo dbyug pa zla ba'i tshes bcu bzhi la zhi bar gshegs so/ /gdan sa chen po 'gram bting ba'i/ chu mo glang lo de nas da lan shing pho stag gi lo/ srog sme brgyad dkar dbus na yod pa 'di yan la/ lo sum brgya drug cu re gcig song 'dug go /bla ma dkon mchog rgyal po de nyid dgung lo nga dgu bzhes pa'i dus/chu pho spre'u'i lo la/ jo mo chung shos gu ra ba'i sring mo zhang mo la sras shig 'khrungs pa ni sa chen kun dga' snying po zhes bya'o/ /de'i mdzad pa rnam thar rgya che ba ni/ rnam thar chen mor blta'o/ /de'ang sras 'di 'khrungs pa yum gyis re zhig gsangs nas yod pa la/ chen ma rdo rje phyug mos tshor nas/ 'o skol gyi gdung rgyud 'di 'chad du phangs pa la/ zhang mo la sras shig yod par gda' ba nan tar legs/ nga la gsang mi 'tshal/ da nga la nor mi dgos/ bu'i a ma la dgos pa yin zer nas/ sa skya mdun gyi mchod zhing ma gtogs/ gzhan thams cad yum sras la gtad/ gzhon nu nyid nas rig pa'i gnas mtha' dag la sbyangs shing / thog mar yab la dgyes pa rdo rje'i dbang zhus/ de dag gi thugs la mnga' ba'i chos thams cad zhus/ dgung lo bcu gnyis lon pa dang yab bde bar gshegs te/ rtsis byas pas gshegs rdzongs byed pa dang / phyi rten 'gram