[A:167]'ding ba/ gdan sa bsko ba rnams nyi ma gcig la grub na rjes su phun sum tshogs pa 'byung zer nas/ yum na re/ nyid rang gi yab kyi slob dpon yang lo tsA ba yin/ lo tsA ba dang 'brel ba'i chos 'di nan tar rdzun chung gsungs nas mnyes pa gcig yod/ khyed chung bas 'u cag ga gdan sa mi zin/ gdan sa 'di ba ri lo tsA ba la gtad pa drag zer/ ba ri ba g.yu mkhar mo na yod pa gdan drangs nas gdan sa gtod pa dang / gshegs rdzongs chos 'khor byed/ phyi rten 'gram 'ding ba rnams nyi ma gcig la tshar bar mdzad/ zhing mo che ma gtogs gzhan thams cad bla ma ba ri ba la gtad/ ba ri ba'i zhal nas khyed jo sras kyi bu bya ba/ slob gnyer byed dgos pa yin/ de la shes rab dgos pa yin/ de'i lha 'phags pa 'jam dpal/ a ra pa tsa na dhi sgrubs gsungs nas/ sgrub pas zla ba drug na 'jam dpal dngos su zhal gzigs/ sgrub khang 'jam dpal brag khung du grags pa bla brang shar gyi dkyil na yod do/ /de ltar yi dam gyi lhas mngon sum du byin gyis brlabs pas/ shes bya phal che ba thugs su chud yod kyang / gang zag rnams kyi bsam blo dang bstun pa'i phyir/ gzhon nu nyid nas slob gnyer la thugs gtad de/ sngun la rong ngur mig du drang ti dar ma snying po la / mngon pa slob tu byon/ bla ma ba ri bas gdan sa lo brgyad mdzad pa'i ring la/ dbus gtsang mnga' ris man kyi sa cha na bzhugs pa'i/ bla ma lo paN bzang tshad kyi zhabs la gtugs nas/ thos pa gsan sbyong mthar phyin pa mdzad cing / ba ri lo tsA ba'i thugs la yod tshad kyi yon tan bum pa gang byos gnang te/ lo brgyad thims nas gdan sa bla ma sa chen la gtad/ ba ri ba bar phug tu zhi