[A:175]dpon ma cig me tog bya ba sku 'khrungs so/ /yang gung thang btsad po'i sras mo lha cig mdzes ma la/ slob dpon ma bsod nams 'bum pa dang / nyi ma 'bum 'khrungs te/ che bas rab byung mdzad/ jo mo gling btab btsun ma'i sde btsugs so/ /lha cig mdzes ma'i nye gnas ma jo mo rdo rje gdan la/ slob dpon ye shes 'byung gnas 'khrungs pa yab dgung lo so gcig pa'i dus sa pho khyi la/ slob dpon rin chen dang dus mnyam du 'khrungs te/ bla ma shar pa chen po sku mched pa la slob gnyer mdzad/ yon tan du ma dang ldan zhing /
mkhan po shar lag zugs par grags/
phyis rgyal po hu dkar che'i bla mchod mdzad/ ljang yul du byon/ dgung lo so bdun pa shing pho khyi lo zla ba bcu gcig pa'i tshes bcu la mdo khams su bde bar gshegs so/ /yang jo lcam hor mo la/ slob dpon ma rin chen 'byung gnas 'khrungs so/ /de rnams zangs tsha bsod rgyal gyi sras/ lcam sring brgyad yin no/ /slob dpon phyag na la jo mo zha lu ma nam mkha' 'bum bya ba yod pa la/ phyag na rang bde bar gshegs nas/ zla ba drug song ba dang sa pho 'brug lo zla ba dang po la sras bdag nyid chen po dharma pha la rakShi ta sku 'khrungs te/ 'phags pas zhal lta mdzad/ de'i bar chad bsrung ba'i phyir du shing khang bla brang bzhengs/ de'i zhabs tog la zha lu bas/ zha lu khang gsar bzhengs nas phul ba lags so/ khu bos thugs gtsigs shin tu che bar mdzad cing / 'phags pa'i yon tan bum pa gang byo gnang / mdzad pa 'phrin las thams cad khu dbon dbyer mi phyed zhes kun la grags shing / dgung lo bcu gsum pa la 'phags pa bde bar gshegs nas/ de'i dgongs pa rdzogs thabs rgya chen po bsgrubs shing / slob