[A:174]de'i gcung po slob dpon phyag na rdo rje ni/ yab dgung lo drug cu pa'i dus/ sa mo phag la sku 'khrungs shing / dgung lo drug pa'i dus byang ngos la chos rje pa'i phyag phyir byon/ sa skya pa rnams kyi dbon po mched gnyis sku na phra bas 'byon mi thub 'jog par zhu zhus pas/ chos rje'i gsung nas/ sgo nga bya'i drod la skye ba yin gsungs nas khrid/ bzhag na phyis mi mjal bar mkhyen pa yin 'dugasku na phra mo de nas phas kyi rgol ba tshar gcod cing / 'gro ba sbyor sgrol thub pa'i ngo mtshar can cig byung zhing / chos rje pa dang / gcen la dbang dang gdams pa mang du zhus/ rgyal po go dan gyi hor chas su bcug cing / dpon mo buddha me ga dun gnang / se chen rgyal po dang mjal nas/ pa'e len dbang gi ming dang / gser tham thong ji g.yas g.yon gyi khrims ra dang bcas pa gnang / bod spyi'i steng du bskos/ spyir bod dang sgos sa skya pa la dbang gi lung las ka gnang ba'i snga ma 'di yin no/ /de nyid dgung lo nyi shu rtsa dgu pa/ me mo yos lo zla ba bdun pa'i tshes gnyis la dpe khang gzims khang du bde bar gshegs so/ /ma gcig jo mo 'gro la sras lcam sring gnyis byung ba'i gcen slob dpon chen po rin chen rgyal mtshan ni/ yab dgung lo so gcig pa'i dus sa pho khyi lo la sku 'khrungs/ rgyud lung man ngag thams cad mkhyen nas/ se chen rgyal po'i bla mchod mdzad/ bla ma 'phags pa bod la byon shul du me tog ra bar gdan sa lta bu mdzad/ pho brang nye bar dge 'dun gyi sde shing kun bde chen btsugs/ bstan pa dang 'gro ba'i don la brtson pa'i ngang nas/ dgung lo zhe gnyis bzhes pa me mo yos lo zla ba gsum pa'i tshes bcu la shing kun du sku gshegs so/ /de'i lcam mo/ slob