[A:176]gnyer gyi 'phro rnams shar pa ye rin la gtugs/ bcu bzhi pa la gong du byon rten dge bsnyen yin yang / bla ma'i gdan sa lta bur mdzad/ se chen rgyal po la zhus nas/ bla ma 'phags pa'i sku gdung ring srel bzhugs pa'i shel gyi mchod rten chen po dang / de bzhugs pa'i me tog ra ba'i sde chen po bzhengs/ rting la/rgyal po ji big thi mur gyi sras mo/ dpal ldan sa skyar gnang / lo lnga bzhugs bla mchod la bskos nas/ yar byon mdo khams su phebs shing / 'di'i gdan sa lo bdun mdzad/ dgung lo nyi shu pa me mo phag lo smal zla ba'i tshes bco brgyad la ngo mtshar ba'i ltas du ma dang bcas te/ mdo khams te maNDal du zhi bar gshegs so/ /'di'i jo mo stag 'bum la sras dharma bha dra 'khrungs gzhon nu la sku gshegs so/ /bla ma ye shes 'byung gnas/ dgung lo nyer lnga pa chu pho khyi lo la lung nag gnyer pa dpal rin gyi gzhi pa chos rin skyid la bla ma'i sras gcig 'khrungs pa ni/ bdag nyid chen po bzang po dpal ba de/ skyes stobs kyi thugs rab phun sum tshogs pa mnga' yang / sku gzhon nu'i dus su slob gnyer la sogs pa mdzad rgyu cher ma byung / sman tshe'i yul la sogs su yun ring po 'byon dgos pa byung bas/ dharma pha la rakShi ta sku gshegs nas/ lo bco brgyad kyi bar la rgyud dri ma med pa dang / 'phrin las dbyer med pa 'jam dbyangs rin chen rgyal mtshan pas gdan sa mdzad/ 'chad nyan sgom sgrub gzhan phan bstan pa'i bya ba rgya chen po mdzad/ ces grags so/ /phyis khang gsar ti shri sangs rgyas dpal bas/ bla ma'i dbu 'don gong du zhu ba legs pa la brten nas/ o ja du rgyal pos bla ma bdag nyid chen po gdung rgyud du mnga' gsol/ nga'i bla ma'i