[A:177]gdung 'chad du phangs pas dbus gtsang du byon la/ gdung rgyud 'phel ba gyis gsungs pa'i lung gnang bas/ thog mar ma cig hor mo la sras slob dpon bsod nams bzang po/ lcags mo yos lo la sku 'khrungs pa/ sku gzhon dus byang ngos su gu'i gung mdzad/ de rting gong ma a yu par pa ta ge gan rgyal pos/ pa'e len dbang gi mtshan dang / sras mo dpon mo buddha gan gnang / yar byon mdo khams su sku gshegs so/ /'di la lcam mo gcig kyang byung ngo / /bla ma bdag nyid chen pos dbus gtsang du phebs nas rgyal po'i lung bzhin/ jo mo lnga khab tu bzhes shing / gdung rus gcig pa'i gdan sa 'dzin mkhan gzhan med pa'i don gyis/ yab mes kyi chos lugs rnams la'ang gsan sbyongs mdzad/ bla ma 'phags pa dang dharma pha la'i phyi rten bzhugs sa'i gser thog g.yu thog dang /lha khang chen mo'i thigs khang du/ dkyil 'khor mi gcig pa drug brgya nyi shu rtsa dgu 'bri ba/ shing mo lug lo la phyi'i lcags ri chen mo gcod pa la sogs pa'i zhal bkod mdzad cing / bstan pa dang rgyal khams gdan sa'i phyis su mdzad pa'i 'phrin las rgya chen po mdzad/ gdan sa'i dpal 'byor yang 'di'i ring las che ba ma byung zer ba 'dug ces grags so/ /bla ma 'di'i lha khang bla brang du lo bco lnga bzhugs/ bu yan du rgyal pos/ gu shri gnang / bzhi thog tu bzhugs/ gdan sa lo zhe lnga nas/ re gsum gyi bar du lo bcu dgu mdzad/ re gsum pa shing pho byi lo la/ bzhi thog gzim khang du zhi bar gshegs/ bla ma 'di nyid la sras yongs su grags pa dgu gzhon nu la gshegs pa bzhi/ sras mo gnyis rnams byon pa gong du smos pa'i bsod nams bzang po lcam sring gnyis/ bod du