[A:185]nams rgyal mo ba byung / yang bla chen kun rgyal gyi jo mo snye mo sku zhang pa'i sras mo/ma cig nam mkha' rgyal mo la sras/ slob dpon chen po nam mkha' rgyal mtshan pa sku mched gnyis byung / shab dge sding na bzhugs/ lcam mo gcig kyang yod do/ /de rting lha rtse ba bdag chen bsod nams bkra shis pa'i sras/ nyi shar dpon mo rnam rgyal la 'khrungs pa/ slob dpon chen po bkra shis rgyal mtshan pa theg chen chos rje'i gdan sa mdzad pa de/ lha khang chen mo na bzhugs so/ /yang bzhi theg slob dpon rgyal mtshan pa'i sras gcig yang gdan sar bsko rgyu yod do/ /yang ta'i dben kun dga' legs pa hu shri dbon mo la sras slob dpon ma kun dga' 'bum 'khrungs so/ /dbang rnam sras pa la sras po gnyis dang / sras mo lnga yod pa'i/ ma gcig nyi ma 'bum la slob dpon chen po kun dga' blo gros pa 'khrungs te/ chu pho byi ba lo la bla brang rin chen sgang du bde bar gshegs so/ /yar 'brog pa ma gcig bsod nams 'bum la/ sras po slob dpon chen po nam mkha' legs pa'i blo gros rgyal mtshan dpal bzang po pa/ yab dgung lo bzhi bcu pa/ sa mo yos lo zla ba bcu pa'i tshes bco lnga la 'khrungs te/ dgung lo bcu drug pa shing pho rta lo la theg chen chos rje'i sku drin las/ rgya nag ye dbang rgyal pos/ hu kyang ho dbang gi mtshan dang / gser dam bod la shes su bcug pa'i lung bzang po dang bcas pa gnang nas khrims mdzad/ 'phrin las rgyas par bzhugs so/ /de'i lcam mo che ba slob dpon ma nam mkha' 'bum dang / 'dzom pa rgyal mo/ /kun dga' 'bum/ lha mo rin chen/ nam mkha' rgyal mo dang / lnga 'khrungs so/ /mdor na dang po gnam lha mched gsum nas da lta yan/