[A:184]mtshan pa'i jo mo byang pa ma gcig lha mo rin chen la/ sras che ba ta dben kun legs pa/ yab dgung lo nyer gnyis pa me mo bya lo la sku 'khrungs/ tho gan thi mur rgyal pos/ ta dben gu shri'i mtshan dang / lung bzang po gnang / dgung lo nyer brgyad pa shing pho byi ba lo la rta nag ri khud du bde bar gshegs so/ /de'i gcung po dbang rnam sras rgyal mtshan dpal bzang po pa/ yab dgung lo nyer lnga pa lcags pho byi ba'i lo zla ba dang po la sku 'khrungs te/ tho gan thi mur rgyal pos/ khong rang gi sras che ba dang mnyam pa'i las ka ri rtsing dbang gi mtshan/ gser dam dbang hu hu ye byang She zi ma/ rnams g.yas g.yon gyi khrims ra brgyad/ khrims gyi tha'i sa/ pha ming gcig pa'i hu shri nyi ma nub phyogs la shes su bcug pa'i lung bzang po dang bcas pa gnang nas/ khrims ra gnyis kyi mdzad 'phrin rgyas par mdzad/ dgung lo zhe dgu pa sa pho byi ba lo hor zla bzhi pa'i nyer bzhi la ngo mtshar ba'i ltas du ma dang bcas te/ smon mkhar rtse gdong gzims khang du bde bar gshegs so/ /yang rtse gdong pa ma gcig sras 'dren la dbang gi sras mo/ slob dpon chen po chos kyi bsod nams rgyal mtshan dpal bzang po pa/ sa mo phag lo la 'khrungs te/ gzhon nu nas yab mes kyi chos lugs phyi nang gi yon tan mtha' dag thugs su chud te/ byang sems chen por grags pa de nyid dgung lo bdun cu pa/ sa pho spre'u'i lo hor zla gsum pa'i tshes brgyad la/g.yas ru srin po ri'i gzims khang rnam rgyal sgang du bde bar gshegs so/ /'di dang yab yum gcig pa'i lcam mo/ /slob dpon ma bkra shis 'bum byung / yang thong ja'i dbon mo la dbang gi sras mo/ slob dpon ma byang sems bsod