[A:189]gung pa ni chos rje pa'i slob ma/ skyo ston dri med/ de nas dbon rgyud med par slob mas gdan sa bzung ba la/ bla ma dar yas/ gung pa dpal rgyal/ gung pa sher rgyal/ gung pa bkra shis bzang po/ gung pa blo bzang / de 'das nas yang dge bshes bkra shis pa'i bskyar nas byas so/ /yang khang gsar chen mo ba'i brgyud pa ni/ dang por sum pa grags kyis sras/ bla ma grags pa 'od zer ba de/ shar pa rdo rje 'od zer dang / ye pa'i btsun pa yin/ phyis bla ma 'phags pa'i dkon gnyer gyi rgan pa thob/ slob dpon dharma pha la'i phyag phyir gong la phyin/ bla ma dus 'khor ba'i rjes la se chen gyi ti shri mdzad/ dgung lo nga brgyad pa la gong du sku gshegs so/ /de'i gcung po sras bla ma sangs rgyas dpal gyis khang gsar bla brang bzung / gong du o ja du rgyal po dang / go lug rgyal po/ bu yan du rgyal po gsum gyi ring la ti shri mdzad/ dgung lo zhe brgyad pa la gong du sku gshegs/ 'dis bla ma bdag nyid chen po bzang po dpal yul sman tshe'i yul nas/ hor rgyal po dang mjal ba'i mthun rkyen mdzad pas/ sa skya pa'i gdung rgyud kyi zhabs tog byed pa che bar byed do/ /de'i sras bla ma grags pa rgyal mtshan dpal bas/ gu shri'i las ka mdzad nas/ rting la dbus kyi re tsha yon tan khang du/ khang gsar pa rang gi nye gnas/ nam mkha'i g.yog gis khrims med byas pas nyes blangs nas sa skyar byon/ phyag rdzas thams cad dbus gtsang mnga' ris kyi dge 'dun la gser zho'i 'gyed byas/ bla ma bdag nyid chen po la gser gar bu'i lha chen dang / khyad nor mang po phul/ khong rang khang gsar chen mo nas mar gseb kyi spu bton pa bzhin du/ kun spangs mdzad pa'i ngang la/ dgung lo nyi shu rtsa drug pa la rta nag gi brag ske rags can du grongs so/ /phung po lhag med la