[A:199]pa tshab rka mo che dang / lho rgyud pa snam rka mo che rnams bzos/ rka bo che re re'i 'og na son khal khri khrag re re yod par byed cing / rka chen rnams ma 'jags bar la bsrung mi sdod pa'i mkhar gnyis bzhengs pa ni/ stod du rgyal grogs rtse mkhar dang / smad du pa snam rtse mkhar gnyis/ lce btsad kyi bzhengs pas na lce mkhar du chags pa yin la/ de lta bu'i rka chen bzhi dang mkhar gnyis ni/ da lta'i bar du yod cing / sa 'dul la bed spyod shin tu che bar byung bas/ lce btsad kyi byas pa lag rjes shin tu che bar gda' cing / zha lu ba'i dpon rgyud 'dis rtsa ba lce btsad kyi rgyud pa yin pas/ de nas gdung rabs mang rabs 'ong pas/ bod du bstan pa phyi dar gyis thog ma/ dbus gtsang gi mi bcu pos mdo smad nas chos zhus pas/ lo ston rdo rje dbang phyug gi myang smad rgyan gong gi gtsug lag khang bzhengs/ de'i dngos slob/ mgo dmag g.yu 'khrungs gi bu chen/ lce btsun sher 'byung gi zha lu wa mo'i gtsug lag khang bzhengs/ chos sde btab rgya gar du byon/ sdom pa bskyar nas blangs/ zab chos mang du zhus so/ /der rting zha lu ba mnga' thang 'byor stobs je che la song tshul ni/ khri skor gzhan rnams las lhag pa'i/ che khyad rnam pa lnga bya ba yod de/ de yang / gdung rus btsad po yin pas che/ las ka bka' bzhi'i byas pas che/ dam chos rgya gar ma yin pas che/ de rnams ni gong du smos pa ltar gdung rgyud sku zhang yin pas che/ sbyin bdag rgyal po yin pas che/ bya ba ni thog mar sku zhang ye shes kun dga'i lcam mo/ /ma cig mkha' 'gro 'gro 'bum/ 'go mgon phyag na'i khab tu byon pa nas bzung ste/ chos rje bla ma sku mched/ bla chen kun rgyal ba yab sras la sogs/