[A:200]ding sang yan/ gdung rgyud khu dbon pas sku zhang na rim gyi bar la/ sku nye 'brel ba nas/ sde bdag gzhan rnams las ches lhag par/ sa skya pa dang 'brel che'o/ /'gro 'gon phyag na yab yum pa'i sras/ bla ma dharma pha la rakShi ta gong du byon/ hor o ja du rgyal po dang mjal dus/ bod dbus gtsang na nged kyi zhang po zha lu khri dpon bya ba yod pa la/ lung las kha bzang po gnang dgos zhus pas/ bla ma'i zhang po yin na nged kyi yang zhang po yin du chug la/ khri skor dpon po stong dpon byings pos phud du khur ba gyis shig mi rabs kyi bar la khri skor 'jags su chug gsungs pa'i lung gtsang ma gnang ba dang / gong ma yon mchod kyi sku rim la dmigs nas/ gser dngul las grub pa'i rten gsum gtsug lag khang dang bcas pa bzhengs pa gyis gsungs nas/ gser bre chen brgya dang / dngul bre chen lnga brgyas mgo byas pa'i gnang sbyin bzang po bskur/ de'i cha rkyen gyis zha lu gser khang du grags pa'i lha khang dbu rtse che chung ngo mtshar can mang du thugs rje chen pos bzhengs/ tshong 'dus 'phrul pe bzhengs/ de'i rting sku zhang kun dga' don grub pa dang / sku zhang grags pa rin chen pa'i ring la/ rang byon 'phags pa spyan drangs/ zha lu gnas nang dang / ri phug yang dgon btab/ chos dpon la/ chos rje bu ston kha che gdan drangs/ de pa yab sras la sogs mkhas grub mang po'i zhabs tog bdag rkyen mdzad pas/ da lta'i bar du/ thub bstan nyin mo ltar gsal ba 'di lags so/ /sku zhang byon tshul myang yul chags tshul 'di bris pas sku chen gyis mchog bstan 'dzin yon mchod rnams sku tshe ring zhing / 'gro kun rgyal ba'i sku gsum myur du thob pa'i rgyur gyur cig dge legs 'phel gyur cig/ //