[A:201]lha dbang sprul pa dpal ldan shar dga'i byung tshul yod/ 'gro kun dga' mdzad dpal ldan sa skya pas/ /mkhyen brtse'i thugs rje'i nam mkha' yangs pa las/ /shar ri'i rtse nas 'od stong 'bar ba bzhin/ /shar phyogs ldan ma las skyes shar dga' ba/ /rigs bzang khungs btsun lha dbang rnams 'phrul ltar/ /'ga' zhig pas rgol dpung 'joms dmag dpon rin chen dang / /ding sang bstan pa'i srog shing chos rgyal chen po'ang byon/ /des na bde bas thub bstan gsal byed dang / /mdzad pa'i rnam thar rgyal mtshan grangs mang yang / /ngo mchar 'phrin las rags pa zur tsam bris/ /de yang dpal ldan shar dga' par grags 'di pa'i byon tshul ni/ rigs mtho ba/ sga ldan tre ho gsum gyi yul khams la dbang bsgyur ba'i/ jo bo'i rigs su gyur cing rus bzang ba/ bod mi'u drug gi nang nas/ dmu tsha lha'i gdung rgyud kyi nang tshan ldan ma'i bu rgyud ste/ dang po khri srong lde btsan gyis dus su/ ldan ma rtse mang zer ba'i/ sgra bsgyur gyi lo tsA ba chen po dang / ldan ma byang khri/ byang dmar la sogs/ ma sangs kyis sprul pa'ang mang du byon par 'dug cho 'brang btsun pa ni/ ldan stod sga'i yul du/ sga a snyan dam pa zer ba'i/ 'byor ldan dkar phyogs la mos pa byung 'dug pas/ de sga ldan tre bo'i sa phyogs su/ lha khang rgya phibs khyung mgo can brgya rtsa brgyad/ lha khang de'i nang du rten ngo mtshar can dang /