[A:203]dge bsnyen zhus/ bla ma'i mtshan las dras nas/ 'phags pa dpal bzang po zer ba'i mtshan btags/ 'phags pa'i ming can mi rabs bdun gyi bar la/ bstan jus mnga' thang yar 'phel du 'byung bar 'gyur ro zhes pa'i bka' gnang / de nas lar rgan la byon ste/ bod mkhar sngon mo lung du bzhugs pa'i nub mo/ lha byon nas 'dir mkhar gzhis phob/ nga'i lha rten tshugs zer ba byung nas bzhugs pas/ lha yul sngon mo lung du grags pa byung ngo / /de'i skabs su/ yul pa rnams/ sa skyar 'dab skor 'bul du 'gro dus yig ris dgos pas grogs ldan la/ dpon yig bzang po dpal ba'i kyang / thengs 'ga' byon pas/ sa skya nas nang chen gyis yig mkhan la bskongs/ de nas yun ring ma 'gyangs par/ bla ma bdag nyid chen po bzang po dpal ba'i drung du/ yig tshang pa'i mthil bzhugs thob/ thugs rjes bzung nas mnga' thang yar 'phel du byung zhing / ma cig lha mo sman la/ /sras po 'phags pa'i rin chen dang / ma sangs dar po dang / sngon mo lung du 'khrungs so/ /sras che ba la klog yig mkhas par bslabs/ gzhon nu nyid nas sa skya/ bla ma'i drung du skyabs/ ma sangs kyi sprul par song nas gzhan las 'khrungs bskyed che zhing / bya ba'i rnam dbye shin tu mkhas pa zhig byung bas/ khams pa dge 'dun rgyal mtshan rnams/ dung reng gi kha non dang sngags pa'i zla la/ yi ge shes pa zhig kyang dgos pa byung bas/ khong pa btang / khams pa mi bdun pos thog drangs rgan pa gong gsum bar dgar byas pa'i/ shar dga' bar grags pa de nas byung / khams pa rang bzhugs rin la'ang / dung reng gi kha non rab tu byung zhing / khong pa bon nag 'od chen du sku