[A:202]bka' 'gyur ro cog cha tshang ma re re bzhengs pa'i drung du dkar me 'khor yugamachod pa rnams lnga'i rgyun ma bcad pa'i dge rgyun btsugs pa lags so/ /bstan pa dar rgyas 'phel ba'i bya ba chen mo mdzad 'dug de'i dbon sras kyis rgyud pa/ ldan ma dbon po bzang po rgyan mtshan man/ yab sras 'khor bcas kyis dbus gtsang dag pa zhing khams/ khyad par dpal ldan sa skya bla ma'i/ spyan sngar byon par bzhed nas/ yar btegs byon pas/ mi shi ba lha ru song ba'i ldan ma dbang rgyal zhes par grags pa/ lha btsan bzang po gcig yod pa des/ rmi lam du lung rim par bstan pa bzhin/ gtsang g.yas ru'i ru lag bcung pa yu ba gdong / bzhi dga' gser sdings rnams su rim pas phyugs/ gser sngings su gzhi phab/ sras po de gzhon nu nas klog yig sogs yon tan dang ldan pas/ grong pa rnams kyang / dpon yig bzang po dpal 'dis/ rang re thams cad la phan thogs par byung zer cing / gnas po phyug po chen po zhig yod pa'ang / bu chung la zhe mgu nas/ nga'i bu mo dang bza' mi gyis shig zer nan gyis bskul bas/ bu mo lha mo sman dang / yab yum du 'brel/ lo 'ga' song ba dang / pha rgan sku gshegs/ der rting bu mo la rmi ltas bzang po byung nas/ bya lo la sras po zhig 'khrungs pa/ mtshan dpal ldan dar zhes par btags so/ /yang lha'i lung bstan la/ 'di nas shar lho phyogs kyis la rgyab ba'i pha rol der song zhig der nga'i 'dug gnas kyang 'chos la/ rten tshugs bya ba thams cad kyang yar 'phel du 'byung ngo zer ba byung nas/ yab yum sras kyis yar byon/ thar pa dgon sar/ lcam [dpyal ] ston chos 'phags kyi drung du/ sras pho la