[A:207]dpal ba yin cing / de'i sras dpon rin chen rgyan mtshan dpal ba dang / nor bu 'phags pa yin no/ /nang chen kun dga' 'phags pa'i sras/ mched gsum gyi che ba/ rab brtan kun bzang 'phags pa myang stod rgya grong du/ ma gcig bzang mo dpal ba la/ sa mo sbrul lo 'byung ba lnga ldan gyi thog tu sku 'khrungs 'di nyid ni nges par byang chub sems dpa'i sprul pa ste/ rnam par dkar ba'i mdzad 'phrin rgya che lugs ni brjod par mi nus kyis/ ngo mtshar ba'i rnam thar rags pa tsam zhig khrims gnyis kyi sgo nas bstan par bya ba ni/ dang por sku gzhon nu'i dus su zhi dul dang ldan pa sogs/ chos mthun gyis yon tan du mas mdzes shing / dgung lo bcu gsum bcu bzhi nas/ sems dpa' pa chen po chos kyi rin chen gyi zhabs rdul spyi bor blangs/ rjes su bzung / nyi shu ba la yab mes khu dbon pas thugs dgongs rdzogs phyir sgrub mchod chen mo'i gzhi btsugs/ nyi shu rtsa bzhi pa la yab dang yum gyis sku drin bsab pa'i phyir/ sgrub mchod yun ring dang gzhi rten bzang po btsugs/ nyi shu rtsa lnga pa la mkhyen rab kyis mnga' bdag dge legs dpal bas thog drangs/ lung rigs smra ba brgya phrag bzhi lhag 'du ba'i lcang ra chos kyis gzhi bting / nyi shu rtsa drug pa la/ myang chu la zam chen bkag che dang bcas pa bzhengs/ sum cu pa la gos sku chen mo ston pa'i sku khru brgyad cu pa dang / der rting gser 'phan chen mo'i dbus na/ byams pa'i sku khru bzhi bcu pa dang / gzhan yang gos dar la khru bdun cu re yod pa'i 'phan brgyad rnams bzhengs/ rdo rje gdan gyis mkhan po/ ma hA so ma sogs rgya gar gyi paNDi ta du ma spyan drangs/ bdag rkyen bzang po mdzad/ der rting yang bstan