[A:209]'gram bting nas/ yun ma 'gyangs par zhabs su chug de rting byams chen gyis gos sku khru brgyad cu pa zhig bzhengs/ rin po che'i bka' 'gyur/ bstan 'gyur bzhengs shing bskor ba dang / gzung sngags mang po'i bzlas brjod rgyun pa btsugs/ phu ru sgrub pa po brgya rtsa brgyad bzhugs pa'i/ ri khrod dga' ldan gyis 'gram bting / 'di ltar bshad grwa sgom grwa 'dzugs pa/ rten lha khang bzhengs pa/bod 'brog dge rgyun la sbyor ba/ mnga' zhabs la khral 'chag ster ba sogs/ dkar phyogs kyi mdzad 'phrin kho na gtso bor 'don cing / phun sum tshogs pa chen po bco brgyad dang / nye ba'i phun tshogs bco brgyad dang ldan pas/ sems can thams cad bde ba'i lam la bkod do/ /mi dbang de'i rnam thar thugs rgyud la/ /'khrungs pa'i dge las byed dang byed 'gyur dang / /'gro la phan bde'i sgrub pa 'di ltas na/ /byams mgon sprul pa yin par kun gyi bsngags/ /zhes pa rnams chos khrims dar bar mdzad pa'i rnam thar zur tsam bkod pa'o/ /rgyal khrims bde bas bskyangs tshul ni/ gzhon nu nyid nas rtsa ba'i dpon yang / 'khon gyis gdung rgyud rin chen rnams kyi zhabs la gtugs/ yab khu bo bgres rim rnams gtsug tu khur/ bting 'jags thon/ rgya ta ming rgyal pos ta'i si tu'i mtshan dang / dngul dam lung gnang sbyin dang bcas pa gnang / stag tshang rdzong pa dang / dpon blon sngar las kyang nye bar 'brel nas/ mi dbang nam mkha' la sogs pa'i thugs sras su gyur cing / lte rtse rdzong gis gnyer las bzung nas/ zhabs tog tshul bzhin du bsgrubs/ bzhi thog gdung rgyud pas/ sku phra mo nas/ mnga' zhabs byin dge ba la bskul cing / kun gyis chos rgyal chen