[A:210]mor mtshan gsol/ dpung mi lag tu zas nor gdangs nas/ ngal dub dang phangs pa med pa'i phan cha mdzad pa'i/ srid rtogs yar 'phel du gyur/ mi mthun phyogs pa'i thad du dpa' dpung 'joms pa'i nga rgyal gyis/ yar mar gang du su dang thug kyang / jus kyis rgyal kha lon cing / nor bu khyung rtse dang / g.yul rgyal stag rtse/ stod du ldan dkar rdzong / smad du yar 'brog stag lung / lho brag skor la sogs/ rdzong bzhi'i/ mnga' zhabs gsar du chod pa mang zhing / khri skor brtan lhing gtso bor ston pas/ chen po dgra la byams byas nas/ /tha mar dgra bo dbang du sdud/ /mang pos bkur bas kun bskyangs pas/ /kun gyis rgyal po dbang bskur ro/ /zhes gsungs pa ltar/ srid mi gcig pa rnams kyang srid la mthun par byed do/ /'dir sde srid 'dzin pa'i go sa/ mthon por phebs nas/ mnga' zhabs sngar yod rnams/ bo zags med pa'i steng du/ rtsa srid byin po'i gtso bor gyur cing / gdan sa chen po dang / dpal ldan lha rtse/ mdogamus/ chu 'dus man/ gong dkar/ 'phyongs rgyas stag rtse yan/ 'brel chags su zin na'ang / byang phyogs kyi srid po rnams kyang / de'i bka' lung dang du len cing / de dag thams cad kyi rgyal khrims bdag po/ mthu stobs dang ldan par gyur pas na/ sku lnga'i gzi 'od gsung gis nga ro dang / thugs kyis stobs kyi rgyal khrims gnon pa dang / phyag dor gyi sprul pa yin zhes tshig don mthun par grags/ bar pa nang chen rab 'byor 'phags pas/ sa skya nang sor phebs nas ti shri chen po chos rgyal theg chen chos rgyal gyi thog drangs pa'i/ gdung rgyud khu dbon pa'i zhabs tog dang / sde srid kyis 'dzin skyong rnams kyang / gcen gyis