[A:211]dgongs pa dang mthun pa'i/ rang phyogs la byang sems dang ldan zhing / gzhan phyogs su non shin tu che zhes phyi nang kun tu bstod cing smon pa'i gnas su gyur to/ /gcung po dmag dpon bkra shis 'phags pa ni sku gzhon nu nyid nas/ yab mes gong ma rnams kyi mdzad srol dang mthun par/ dgra ri dwags kyi phyogs la zhal bstan pa tsam gyis/ pha rol pham par nus kyis/ jus dang dgra thabs la shin tu phan pas/ dus kun tu g.yul las rgyal ba kho na byung bas na/ dmag dpon rin chen dang chos mtshungs la/ de'i don gyi gnad gang che'i rdzong sa bzung du bzhugs pas/ mnga' zhabs yar 'phel du chod pa/ kun gyi mthun snang du grub pa 'dis/ mi dbang sku mched de rnams kyi dbon sras/ drung bkra shis rab bstan 'phags pa/ dpal bzang po de nyid kyang / chos 'brangs khungs nas byung ba yis/ rje btsun gyi yon tan thams cad tshang bas/ chos rgyal chen po'i zhal nas/ 'di ni sde srid kyis bstan pa 'dzin pa'i skyes bu dam par 'gyur ro gsungs shing / mdzad 'phrin mthong thos kyi skye bo thams cad kyang mgrin gcig tu bstod cing / snyan grags brjod cing sku brtan par bzhugs pa lags so/ /chos rgyal sku mched yab sras mnga' thang dang / /blon po sde jus khur gyis mi ngal zhing / /zhi drag thabs lam blo gros bang mdzod rgyas/ /sdag bsngal nad gsol sman pa'i rgyal po dang / /shes rab spyan ldan 'jam dbyangs dpon btsun dang / /sde jus bya ba mkhas pa sangs rgyas gsum/ /'di 'dra'i blon rje na rim bsnan pa yis/ /sde pa su lang 'dug pa mthong ma myong / /rje blon shas che sde