[A:225]gnod sbyin sprul pa rnam rgyal gling pa'i byon tshul bzhugs so/ /oM swa sti/ 'gro ba'i gtsug rgyan dpal ldan sa skya pa'i/ /sku ring las byung dpon chen nye gnas sogs/ /rab dang rim par byung ba mang mod kyi/ /phyi skor bla brang kho na'i bya ba rnams/ /ches lhag phul phyin sgrub pa'i nye gnas mchog / dam tshig gtsang zhing bsod nams dpal gyis mtho/ /zas nor dbang 'byor gnod sbyin sprul par grags/ /byas pa lag rjes che ba 'di ltar byung / /de'ang sngon spu rgyal bod 'di/ chos skyong ba'i rgyal po khri srong lde'u btsan gyi sku'i ring la/ za hor kyi yul nas/ mkhan po bo dhi satwa gdan drangs nas/ bla ma'i mchod gnas su bkur/ bod du btsun pa la snga ba/ sad mi mi bdun bya ba rab tu byung nas/ 'khor mang po dang bcas te/ sangs rgyas kyi bstan pa dar bar mdzad/ de dang dus mnyam du nub phyogs u rgyan gyi yul nas/ slob dpon padma 'byung gnas gdan drangs/ bod kyi lha klu gdug pa can dam la btags/ rgya gar o tan ta pu ri'i gtsug lag khang la dpe blangs nas/ ri rab gling bzhi gling phran nyi zla lcags ri mu khyud dang bcas pa/ dpal bsam yas lhun gyis grub pa'i gtsug lag khang chen po bzhengs/ bod rgyal po'i bla mar mnga' gsol/ de'i dus su u rgyan