[A:227]zul phu phyogs na'ang da lta yang / sngags rgyud 'dzin pa mang rab yod par snang / nye gnas chen po mgon po skyabs pa la/ sras po mched gsum byung ba'i che ba/ chen po don grub rgyal mtshan pa de bstan pa'i mnga' bdag ti shri kun blo'i zhabs la gtugs/ bod khams su gdan sa bar ba/ rtse 'od bsam grub kyi nye gnas chen po dang / sho tham kha gnang / de nas bzung 'phags pa kun blo gshegs nas/ ti shri kun rgyal ba'i phyag phyi mthil byas/ gong la byon bla mas thugs la btags nas/ pho brang ta'i tur/ rdzong kha bu'i khrims ra dang / nye gnas chen po la bskos/ bod la 'byon khar gong ma tho gon thi mur rgyal pos/ du dben shri mtshan dang lung lag rtags bzang po gnang zhing / khyad par yab yum gtsang stod lhan lung gi 'og tu lhan gangs gdong yan/ span smad jo bo rigs gsum mgon po man/ pa rnam gyi gzhis phran rnams dang bcas pa gtsang gzhis su 'jags pa'i/ 'ja' sa chen mo gnang / yar phebs nas kyang lha khang bla brang bas gdung rgyud yab sras rnams kyis zhabs tog tshul bzhin sgrub par gda'o/ /de'i gcung chen po/ dpal ldan rgyal mtshan pa des/ ta dben gu shri kun dga' nyi mas thog drangs 'jam dbyangs don yod rgyal mtshan pa sku mched pa'i phyag phyir slebs/ rin chen sgang bla brang ba'i nye gnas chen po mdzad/ rin chen sgang ga lcags ri chen mo dang / sgo spe shar nub/ gar phu'i phyogs bzhis kha khram mo/ /bo dong e'i lcags ri phyi ma/ sgo lcog 'khor ma/ nang du bud rtse gsar ma/ phyi ru mgron khang skar bcas/ gzhan yang bo dong ma