[A:228]las dga' ba'i bu bzhir grags pa'i gzhis ka bkra shis sgang / rog tshe/ shab dge sding / 'jad mthong smon la sogs/ gzhis che chung mang po'i mkhar las gsar brdungs zhabs su phyug par bzhengs/ mdor na bla brang gi bya ba kho na la gtso bor ston pa'i nang gi gsog mchog phyis 'dul skyong dgos pa gang la'ang / phyis skor gyi nye gnas chen mo rnams kyi nang nas/ 'di nyid bya ba lag rjes shin tu che bar grags so/ /gcung chung shos chen po nor bu bzang po pas/ gcen gyi rjes su 'brang ste/ bo dong gi nye gnas chen po mdzad/ dpal lngan bla ma dam pa dang chos rje bsod rgyal ba/ chos 'khor chen mo skor ba'i mthun rkyen/ brjid khur mthil gzhu sogs rin chen sgang pa'i gdung rgyud zhal ngo rnams kyi zhabs tog bsgrubs/ gcung po slob dpon chen po bsod nams yon tan pas rab tu byung nas dpal bo dong e'i chos dpon mdzad do/ /gcen po don rgyal du dben shrIs/ jo mo khams mo la/ sras shig byung ba ni/ dbang hu bsod nams rgyal mtshan pa'o/ /yang jo mo gtsang mo la sras slob dpon don grub rgyal mtshan pa byung nas/ rin chen sgang dang / bo dong du thog cig bzhugs nas/ chen po grub rgyal du grags so/ /des rtsa ba'i gzhis/ gtsang stod lhan lung gi skor rnams sgos bdag tu bzung / de'i dbon sras kyi rgyud dang / lhan lung pa yab sras rnams yin no/ /dbang hu chen po de nyid kyis sku gzhon nu'i dus dpal bo dong e'i chos grwa chen por dpang lo tsA ba blo gros brtan pa'i drung du/ rab tu byung nas mngon pa mdzod la slob gnyer mdzad pa'i/ dge