[A:230]mdzad 'phrin mtha' dag lhun gyis grub nas/ chu mo phag gi lo hor zla brgyad pa'i tshes bco lnga bza' skar dus tshes 'phrod sbyor kun bzang ba'i nyin nas/ rdzong rnam rgyal gling chen gyi 'gram bting / ring por ma thogs par zhabs su chug par bzhengs/ mnyam med rgyal ba bzang pos thog drangs/ bla ma dge ba'i bshes gnyen bzang grags mang pa'i rdzong la rab gnas gsol/ sbyin bdag rang gi yi dam gyi mtshan dang mthun par byed gsung nas/ rnam rgyal gling chen zhes par ming btags/ son wi pa'i mi dpon chen mo 'di nyid ni bzang zhing dpa' ba/ mthu stobs zas nor la dbang 'byor pas/ rang gzhan gyi mnga' zhabs thams cad/ bde ba la bkod pa'i snyan grags kyis dbus gtsang thams cad khyab par gyur cing / gnod sbyin tshogs kyi bdag po'i sprul par grags so/ /de nyid kyi jo mo sngon ma 'bri gung dgung khar dbon mo la/ sras drung chen chos rgyal bzang po ba byung zhing / gdung rgyud lcam mo la/ thog mar sras gnyis byung ba/ grub chen gong ma 'dra'i sku skyes bzhengs par 'dug na'ang / gzhon nu la sku gshegs/ drung chen chos rgyal bzang po ba de nyid/ dgung lo brgyad pa la nub chos lung dgon par/ mkhan chen rin po che rgyal bzang pa'i drung du bzhugs nas/ chab klog yig rtsis la sogs sku che ba'i yon tan mtha' dag la thugs goms par mdzad/ bcu gnyis pa nas ri tsing dbang rnam sras rgyal mtshan pas drung du byon/ gsol dpon gyi mthil yun ring bzung / sku dang grib ma bzhin 'bral ba med par phyag phyir brtson cing /