[A:231]rdzong gong 'og gi gnyer las kyang yab sras pa'i lo sum cu so bdun mdzad pa'i ring la/ bla brang gi nang du gsol bzang zhing / phyi nas dgra thos skad gcig kyang ma phog pas/ bu rta 'dab rgyas pa dang / mi sde mnga' zhabs bde skyid la longs spyod pa byung / yab bde bar gshegs pa'i dgongs pa rdzogs thabs rnams kyang / gtsang g.yas ru'i phyogs su bzang zhing ngo mtshar che ba'i tshad thub par bsgrubs/ rang gi rdzong mnga' zhabs la/ pha rol gyi dmag dpung stobs chen gyis/ skor rgyag gnod pa yun ring byung dus/ phyi nang kun gyis dpon g.yog thams cad la smon cing / ma khrel sra phur legs par bcas pas/ phyi mi slu brid mgo skor dmag dpung gang gis kyang / rang sde gzhom par ma nus pa'i steng du/ stag tshang rdzong gi bstan jus zin pa dang / gtsang srid kyi 'go tshugs pa'i skyes bu sde dpon chen por gyur cing / der rting nas sa zugs kyi rdzong gdan mnga' zhabs gsar du chod pa shin tu mang lags 'di pa yab yum dkar phyogs la mos shing / thugs dge dpa' mdzangs ldan pas/ gong 'og sku nye 'brel chags thams cad la bkur skyong / 'brog lam zas nor kyi 'dzin tshugs mtshan dag don du ldan pas/ mthun 'jug gang la'ang / sus kyang 'gran du med pa'i snyan grags kyi phyogs kun tu khyab la/ chos rgyal chen por gda'o/ /drung chen po pa de nyid dang / gdung rgyud lcam mo byang sems bsod nams rgyal mo ba la/ sras po mched gnyis byung ba'i gcen drung rgyal ba dpal bzang po pa yin cing / gcung po nang so chos skyong rgyal mtshan dpal bzang