[A:233]bod du bstan pa phyi dar dang / mkhas grub sde dgon byung tshul bzhugs so/ /e ma ho/ chos rgyal mes dbon mkhyen brtse'i nam mkha' la/ /bstan pa'i nyi ma bod kyi yul du gsal/ /sdig chen dar ma'i dgra can gdong pa yis/ /chu mo phag nas drug cu rtsa brgyad bar/ /mun pa'i rgyal khams bzhin du nag por bsgribs/ /bod khams phal cher bstan pa'i sgra mi grags/ /bstan 'dzin thams cad gab dang bros la rtsol/ /dbus gtsang mthil du chos min sna tshogs dar/ /rgyal khrims chen po'ang rang gi spyod par thal/ /de la rgyal ba rnams kyis ma bzod par/ /mnga' bdag tsha la na yi thugs rgyud bskul/ /bla chen spyan sngar chos zhu rim par brdzangs/ /bstan pa'i me ro smad nas bslang tshul dang / /phyi dar rgyas pa byung tshul 'di ltar snang/ zha lu bu ston chos rje'i chos 'byung la/ /bod yul kha ba can gyi yul ljongs 'dir/ /sangs rgyas bstan pa phyi dar byung tshul ni/ sdig rgyal glang dar mar grags pa de nyid/ chu mo lug lo sum cu so dgu lon pa'i dus/ mnga' bdag khri ral grongs nas/ khong gis rgyal srid bzung / lo gnyis rgyal po tshul bzhin sgrub/ chu mo phag gi lo gzhug nas thugs la gdon gsol ba dang / blon po rgyal to re stag sna can la sogs pa sdig pa la dga' ba rnams kyis bsgyur nas/ sngar nu bo la rgyal srid bskos pa'i snying nad