[A:237]'phrang po lha khang dang / sum pas 'gro swa thang dang / rme ru brtsigs/ khong rnams kyi slob ma yang slob dang bcas pa rnams kyis kyang / gtsug lag khang mang du bzhengs so/ /gtsang du lo ston rdo rje dbang phyug gis rgyan gong brtsigs/rgya shAkya gzhon nu dang / 'gos g.yag srung la sogs pa bu chen nyi shu rtsa bzhi byung / a mes tshong btsun shes rab seng ges/ rtsig gi yang dben brtsigs/ zhang ston mtshal 'phags la sogs/ slob ma yang mang dag byung bas/ de rnams kyi dge 'dun gyi sde lha khang tshan che ba bzhengs/ mgo g.yag gi slob ma/ lce btsun sher 'byung gis zha lu 'a mo bzhengs/ de ltar khams su dbus gtsang gi mi bcus phyin kyang / sum pa dang 'o rgyang spun la mched pa med cing / 'a 'bring gnyis de rnams la ma gtogs zer ro/ /a mes bla ma chen mo dang / mnga' bdag tsha la na yab sras/ dbus gtsang gi mi bcu po dang bcas pa de rnams/ bod kha ba can pa la shin tu nas kyang sku drin che'o/ /der rting bod rgyal 'od srung rgyud/ lha bla ma ye shes khu dbon rnams kyis rje btsun gha ya dha ra dang / jo bo rje dpal ldan a ti sha pha dam pa/ paN chen shAkya shri la sogs/ rgya bal gyi lo paN mang po gdan drangs pa dang / bod yul du 'khrungs pa'i bla ma sa skya khu dbon/ lo chen rin bzang / /khu rngog 'brom gsum/ dwags po dang shangs pa bka' rgyud pa la sogs/ lo paN mkhas grub bzang la mang ba/ rim par byon pa rnams bshad nyan sgom sgrub kyis bya ba rgya chen po mdzad pas/ bstan pa rin po che gangs la nyi ma shar ba lta bu gsal zhing dwangsdngas par bzhugs pa lags so/ /bstan pa phyi dar dar tshul 'di bris pas/ /bstan pa'i chu rgyun rgyun ring gnas pa dang / /bstan 'dzin skyes mchog mchog tu yar 'phel nas/ / bstan zhugs 'gro kun kun mkhyen thob par shog/ //