[A:238]jo bo rje'i slob rgyud dang / bka' gdams pa'i byon tshul bzhugs so/ / na mo ratna gu ru bhyaH gangs chen ljongs 'dir thub bstan gsal ba dang / /snyigs dus 'gro rnams smin grol 'god pa'i phyir/ /jo bo yab sras bka' gdams rgyud pa rnams/ /byon pa'i rnam thar ngo mtshar 'di ltar snang/ /bod du bka' gdams pa'i rgyud pa byung tshul ni/ dang po rgya gar gyi mkhan po zhi ba 'tsho bzang po'i gdung rus las chad pa/ jo bo di paM ka ra shrI dznyA na zhes pa de'i yab ni/ rgya gar shar phyogs kyi za hor rgyal po dge ba'i dpal gyis sras gsum gyi 'bring po mtshan zla ba'i snying po/ gzhon nu nas dge 'dun phal chen sde pa la rab tu byung nas/ bi kra ma la shI la'i gnas brtan mdzad pa/ jo bo rje dpal ldan a ti sha zhes pa mtshan yongs su grags pa des rgya gar du 'gro don rgya chen po mdzad cing / chu pho rta lo la dgung la drug cu re gnyis bzhes pa/ bod la byon nas bal por lo gcig mnga' ris stod du lo gnyis/ gtsang du lo gcig dbus su lo bdun zla ba lnga'i bar la bzhugs/ bstan pa nyin mo ltar cher gsal bar mdzad nas/ don gsum pa shing pho rta lo dbyug pa zla ba'i tshes bco brgyad la/ snye thang 'or nas dga' ldan du sku gshegs so/ /de nyid la rgya bod na slob ma mang du yod cing / bod du thugs sras kyi mchog khu rngog 'brom gsum/