[A:239]de'i nang nas kyang bka' gdams pa'i mes po/ 'brom ston rgyal ba'i 'byung gnas de/ stod lung snam kyi bye ma lung pa/ rten dge bsnyen yin/ jo bo rje dang mnga' ris su mjal/ rwa sgreng dgon pa btab/ de'i sras thu bo mched gsum ni / phu chung ba gzhon nu rgyal mtshan dang / pu to rin chen gsal/ spyan mnga' ba rin chen 'bar te/ khams pa lung pa dang / bzhir yang grags so/ /pu to ba'i sras kyi mthu bo bu chen bzhir grags pa'i nang nas/ dbur stod kyi zhang sha ra ba yon tan rgya mtsho/ de'i sras bka' babs bzhir grags pa'i nang nas/ byang sems kyi bka' babs/ bya 'chad ka ba/ de'i slob ma se spyil bu pa/ des spyil bu btab/ de na slob rgyud rim pa bzhin/ lha rin po che 'gro ba'i mgon po/ lha lung gi dbang phyug lha zur khang pa/ rnal 'byor byang seng / des gro sa dgon pa btab/ de'i slob ma sangs rgyas dar des mkha' ru dgon pa btab/ pu to ba'i slob ma gtum ston blo gros grags kyis/ snar thang btab ste/ chos lung sku gshegs su grags so/ /de'i gdan sa sding dkar sku gshegs/ shes rab grags kyis snar thang zhes pa'i ming btags/ de nas zhang btsun rdo rje 'od/ de gsum ga'i slob ma gro bdud rtsi grags/ de la bla ma yi dam mang po'i zhal gzigs shing / sangs rgyas stong gi ya gyal du grags/ de nas zhang ston chos kyi bla ma/ sangs rgyas sgom pa seng ge skyabs/ de'i ring la dha na shI la'i slob ma/ skyi nag grags seng gis mtshan nyid kyi grwa sa btsugs/ bcom ldan ral gri la sogs byung / byang chen btab/ de nas mchims nam mkha' grags/ chos rgyal 'phags pa'i bla ma dang / chu mig chos 'khor chen mo'i tshogs dpon mdzad/ lha