[A:242]rngog lo khu dbon gyi slob rgyud dang / bshad grwa dar tshul bzhugs so/ / na mo manydzu gho sha ya/ kha ba can ljong dbus gtsang gangs ri'i rtser/ /bshes gnyen bstan pa'i rgyal mtshan legs 'dzin pa/ /mtshan nyid ldan pa'i lo chen khu dbon gyis/ /mtshan nyid sde btsugs bstan pa 'di ltar spel/ /de'ang ston pa sangs rgyas mya ngan las 'das nas/ lo sum stong nyis brgya dang brgyad 'das nas/ bod yul kha ba can gyi ljongs yar 'brog tsho dang nye ba'i phyogs su/ gsang sngags rnying ma'i dge bshes rdo rje gzhon nu zhes pa'i sras lnga'i che shos rngog legs pa'i shes rab kyis/ jo bo rje la sogs pa'i mkhas grub du ma bsten cing / gsang phu ne'u thog gi gtsug lag khang bzhengs te/ bstan pa'i bya ba rgya che bar mdzad/ de'i gcung tha lhag chos bkras/ chos skyabs kyis dpal mo bya ba khab tu bzhes pa la sras sems dpa' chen po blo ldan shes rab lcags mo phag lo la sku 'khrungs te/ de nyid gzhon nu nas/ lo bcu bdun gyi bar la khu bo dang / rno tshul khrims shes rab la sogs pa'i drung du/ klog yig skad rigs bstan bcos phal che ba la legs par sbyangs/ zhabs tog gi mnyes par mdzad/ de nas khu dbon pas kyang / bstan pa'i khur khur cing byin gyisabarlabs nas/ bal po dang rgya gar dbus phyogs kha che la sogs par byon/ paNDi ta pra dznyA na dang / 'bum phrag gsum pa la sogs/ mkhas grub mang du bsten/