[A:243]lo bcu bdun gyi bar du/ rgya gar dang / bal por bka' mdo rgyud man ngag bstan bcos lung dang rigs par sbyangs zhing / mnga' brnyes par mdzad/ mthar bod du byon/ de dag thams cad ma lus par bsgyur/ bstan pa nyi ma shar ba ltar du gsal bar mdzad/ dbus gtsang / lho bal/ mdo stod smad/ shar tsong kha/ rgya mi nyag la sogs su grub mtha' 'dzin pa'i slob ma/ ring slob tu ma gyur pa med cing / dbus gtsang du lo bcu bdun gyi bar du 'gro don mdzad do//de'i thugs kyi sras/ zhang tshe spong chos kyi bla ma la sogs thu bo bzhir grags pa dang / gzhan yang gangs pa shi'u la sogs/ bu slob bsam gyis mi khyab pa smin par mdzad pa'i nang nas/ zhang tshe spong chos kyi bla mas/ ne'u thog gi gdan sa lo sum cu so gnyis mdzad/ de'i rjes su gnyal pa ril lus la gnyis mdzad/ rnam par bas lo brgyad mdzad do/ /bla ma de gsum gyi slob ma/ phywa pa chos kyi seng ges gdan sa lo bco brgyad kyi bar la mdzad do/ /'dzam bu gling thams cad snyan grags dang bu slob kyi khyab par mdzad/ de'i sras kyi gtso bo gtsang nag pa brtson 'grus seng ge la sogs seng chen brgyad dang / jo sras rtse mo la sogs/ jo sras bzhi dang / gzhan yang 'jad pa ston skyabs/ khams pa rdor rgyal la sogs dbus gtsang khams gsum lho gnyal gyi slob ma dpag tu med pa smin par mdzad de/ bstan pa che cher 'phel bar mdzad do/ /de'i thugs sras brgyad po'i nang nas/ brtsegs dbang phyug seng ges gdan sa lo lnga/ de gnyis kyi slob ma/ gnyal pa dad pa bzang pos lo bdun/ 'dzam tsan nes lo bdun/ bzad pa dar ma 'od dang / bzad pa don grub gnyis kyis lo sum cu mdzad do/ /