[A:244]yang 'bre shes rab 'bar gyis myang stod skyegs gnas rnying du chos bshad/ las stod pa dkon mchog mkhar gyis gdan sa mdzad/ ding sang gi bar du de'i mi rgyud kyis 'dzin no/ /gtsang pa 'bre sgur gyis dga' ba gdong dang / khu sher brtson gyis thang po cher chos bshad grwa pa khri lhag 'dus/ ar byang yes/ gnam rtse lding sogs dang / dkar chung ring mo/ zhang e pa gnyis kyis/ 'u shang rdo la sogs su/ mdo smad tsho bzhir grags pa la chos gsungs/ mkhas pa bsod rin dang / gnyal zhig la sogs pa/ dpag tu med pa smin par mdzad/ gral stan za 'og la byed pa dang / dus chos re la ja sig chen lnga bcu tsam re skol ba la sogs pa/ longs spyod kyang de dus kho na che bar grags/ der rting mkhan po bsod rin gyi gdan sa byas/ chos blo bshad byed pa de nas byung / der rting 'gral sher rgyal gyis gdan sa mdzad/ gnyal zhig gi slob ma bu dgur grags pa'i nang nas gtsang drug gis zha lu'i gdan sa dang / bo dong rin po ches/ grags ram gyi bshad grwa btsugs/ 'gral gyi lo bco lnga gdan sa mdzad pa'i rjes la/ rog gis zla ba drug mdzad do/ /de nas slob dpon shAkya gzhon nu dang / tshad ma'i skyes bu mang po smin par mdzad/ slob dpon shAkya gzhon gyis/ tshal gung thang du bshad grwa btsugs/ ne' thog gi gdan sa lo nyi shu rtsa bdun mdzad cing / blo gros mtshungs med dang / phyogs las rnam rgyal sogs du ma smin par mdzad do/ /de rjes rgya ma pas lo brgyad gdan sa mdzad/ der rting phyogs las rnam rgyal pas lo brgyad mdzad do/ /yar 'brog pa mkhan po rgyal gyis zla ba gcig slob dpon gzhon seng gis lo brgyad/ gtsang dkar gyis lo