[A:245]gsum/ slob dpon blo gros seng ges lo lnga'i bar du/ gsang bu gling smad kyi gdan sa mdzad do/ /gsang phu ne'u thog gi gdan sa 'jam can nas mdzad pa'i dus/ gtsang pa 'jam seng gis bshad pa mdzad pas/ gling stod pa gyes ste/ dbon po jo yun zhes pas/ bdag rkyen byas nas/ 'jam ston/ zhus ston/ blo gros 'bar gsum gyis rim par bshad/ de'i dus su gnyal zhig gis lo brgyad/ de nas rgyal ba lo ston gyis byas/ khong bros nas/ rgya 'ching ru bas mdzad/ de'i rjes khong gi slob ma/ chu mig pa seng ge dpal gyis/ lo bco brgyad mdzad cing / ldan ma grags rin dang / la stod pa grags rgyal la sogs/ slob ma mkhas pa mang du byon/ ldan ma grags rin gyis gdan sa lo brgyad mdzad/ de nas lho brag pas sngon rting dril bas lo nyer gnyis mdzad cing / thog ston dang / myang stod pa ye shes mgon la sogs mang du smin par mdzad/ myang stod pas lo bdun bla chos bshad/ yang lho brag pa rang gi mdzad/ de'i rting btsan dgon pa gzhon nu bsam gtan gyis/ lo nyi shu'i bar la gdan sa mdzad/ chos grags gsar ma dang / bla brang dbon po la sogs slob ma mang du byung / der rjes bla brang pa dang / chos grags gsar ma/ ya rtse ba/ lha yul ba/ rin chen grags pa/ yon tan rgya mtsho rnams kyis rim pa bzhin byas/ yang rgya 'ching gi dus su/ bde ba can du gnyags grags tshul gyis bshad cing / rgya ston bsod rin la sogs slob ma mang du byung / de'i rting rgya ston bsod rin gyis bshad/ dge brag pa la sogs pa'i slob ma mang du byung / de rjes su dge grags pas byas/ de'i rjes la snye thang ba bkra shis seng ges gling stod gdan sa