[A:252]mkhan po sangs rgyas dpal/ /'od dpal chos kyi rgyal mtshan sangs rin pa/ /'od dpal sher mgon seng rgyal bsod dbang dang / /dran tshul tshul rin dpang blo rgyal dbang dang / /sras seng yon rin byang chub bzang po yan/ /bcu phrag phyed dang gnyis po ding sang dus/ /tshogs chen par grags thub bstan dri med kyis/ /srog 'dzin mkhan rgyud rnams la phyag 'tshal lo/ /chos lung thog ma lho brag byang chub dpal/ /bsod stobs sde dpal grags gzhon bsod nams grags/ /bsod bzang gzhon mgon mkhan chen grags rgyal dang / /grags tshul grags pa bshes gnyen rnam rgyal ba/ /'jam dbyangs rin rgyal rgyal mchog grags dbang rgyal/ /zla blo rgyal ba phyag na ding sang yan/ /bcu phrag gcig dang drug cu byung bar grags/ /slab gsum rnam dag shAkya'i bstan pa yi/ /gsal byed mkhan rgyud rnams la phyag 'tshal lo/ /dge 'dun sgang pa byang chub dpal nas gyes/ /dbang grags gzhon rgyal 'dul tsha don grub dpal/ /yon tan rgya mtsho dpal grub yon blo ba/ brtson rgyal seng ge dpal dang chos grub yan/ /bcu dang gcig gis 'gro kun smin grol la/ /'god mdzad mkhan rgyud rnams la phyag 'tshal lo/ /snyigs ma'i dus 'dir 'gro mang padmo'i gnyen/ /bod yul mun pa sel bar mdzad pa yis/ /paN chen mkhan rgyud rim pa'i 'od zer gyis/ /sangs rgyas bstan pa dar mdzad 'phrin las pa/ kha che paN chen slob rgyud 'di bris pas/ kha ba can 'dir thub bstan seng ge'i sgras/ kha na ma tho chos kun zil mnan nas/ kha TwaM gyis mtshon sku gsum myur thob shog/// dge legs 'phel// //