[A:253]dwags po bka' brgyud byon tshul bzhugs/na mo ratna gu ru/ rdo rje 'chang gis byin brlabs pa/ /te lo na ro rgyud 'dzin cing / /gtum mo'i chos la dbang 'byor pa/ /dwags po bka' rgyud 'di ltar byon/ /thub bstan lnga brgya tha ma'i dus su/ bod gangs can gyi khrod 'dir/ theg chen gsang sngags zab mo/ 'dzin skyong spel bar mdzad pa/ dwags po bka' rgyud du grags pa 'di ltar byung te/ de'ang rgyal ba rdo rje 'chang chen pos/dngos su byin gyis brlabs pa'i grub thob chen po/ te lo shes rab bzang po de la sangs rgyas dngos kyi mos gus thob nas/ dus thabs bstan pas sa lam bgrod de/ mchog thun mong gi dngos grub thob pa ni/ jo bo na ro pa ye shes dngos grub te/ dpal nA lendra'i byang sgo bsrung ba'i/ paNDi ta chen po/ des smin cing grol bar mdzad pa'i dngos slob/ lho bod pa/ sgra bsgyur gyi rgyal po mar pa lo tsA ba chos kyi blo gros zhes mtshan yongs su grags pa de nyid/ dang po mar yul gyi mar she lugs rtse'i sras/ mar pa khri 'jam/ lho phu chu skyer gyi shab steng su byon/ de'i sras gsum gyi 'bring po/ mar ston dbang phyug de'i sras lnga'i mtha' rtag tu jo mo la sku 'khrungs/ 'brog mi shAkya ye shes dang / se lo tsA ba la lo tsA bslabs/ rgya gar du lan gsum byon/ rje 'gran gyi do med rnams gnyis dang / khyad par grub thob zhal mnga' chos kyi 'brel ba'i/ bla ma bcu gsum