[A:256]sogs/ mched lnga byung ba thams cad yon tan dang ldan yang / yab bzhugs ring la/ snga rim gyi 'das so/ /thogs med grags pa'i sras rgyal sa ra mo dang / rdor seng ra mo/ ston chung dbang mo'i skye ba yin/ gdan sa lo bdun bskyangs/ mar pa yab sras kyi sku gdung bzhengs/ rab gnas zhang rin po che la zhus/ gcen jo tshul gyi sras bla ma kun dga' rdo rje'o/ /des dpal zhang gi gzims khang lho ma btab/ gdan sa mdzad/ lo bdun cu rtsa bdun la 'das so/ /de'i sras slob dpon dge slong dang / bla ma gzi brjid/ slob dpon rgyal po dga'/ bla ma gzi brjid kyis gzims khang byang ma btab/ gtsug lag khang bzhengs/ gdung khang yang der spyan drangs/ gdan sa mdzad/ lo brgyad cu la gshegs/ slob dpon rgyal po dga'i sras seng ge sgra/ ri bong pa rin chen bzang po/ slob dpon chos rdor 'od/ ri bong pa'i dgung lo bcu pa la/ bshad pa mdzad/ bco brgyad la zul phur dge tshul dang / de nas la gsum la bsnyen rdzogs mdzad/ nyi shu rtsa bdun pa'i dus khu bo 'das nas gdan sa mdzad/ bco lnga pa la khams su byon nas/ lo gnyis la 'khor nas tshal pa'i yang dgon du sgom sde dang / dpon rgyud kyi bla mar skur/ gser gyi bka' 'gyur bzhengs/ lha khang dang rgyal sa rgya chen bskyed/ spel zhing dang / zul skyor gyi thog drangs/ dbus gtsang gi dgon sde 'brel yod kun la/ tshogs gsog rgya chen mdzad/ jo bo nA ro pa dang /mar pa'i sprul par grags/ 'gro don dpag med mdzad nas/ bdun cu rtsa bdun pa la gshegs so/ /slob dpon seng ge sgra'i sras/ slob dpon rin rgyal spun gsum mo/ /slob dpon chos sbyor gyi sras gsum gyi che shos/ bla ma chos kyi